गोविंद रा गुण गा बन्दा रे भजन लिरिक्स !! govind ra gun ga banda bhajan lyrics !! kabirdas bhajan lyrics !!

 

 भजन : गोविंद रा गुण गा बन्दा रे

दोहा

सोने री लंका बनी और सोने रा घर-बार,

रति सोनो ना मिलियो रावण मरती वार।

हंस-हंस के बोलता दिन में सौ-सौ वार,

वे मानुष कठे गया? सुरता करो विचार।

भजन

गोविंद रा गुण गा बन्दा रे,

मालिक रा गुण गा बन्दा रे,

उमरिया जावे, जावे से भाई — जावे।

जावे से जावे उमरिया,

पासी कोनी आवे थोड़ा,

मालिक रा गुण गा बन्दा रे,

गोविंद रा गुण गा बन्दा रे,

उमरिया जावे, जावे से भाई — जावे।

गर्भवास में कोल किया था,

बाहर आए हरि नाम ना लिया था,

भूल गयो भगवान बन्दा रे,

उमरिया जावे, जावे से भाई — जावे।

बालपन हद खेल गंवायो,

यौवन में माया विलमायो,

करियो नी सुकरत काम बन्दा रे,

उमरिया जावे, जावे से भाई — जावे।

आगे बुढ़ापा आवेला भारी,

ताना देवेला दुनिया सारी,

भूंडी करी भगवान बन्दा रे,

उमरिया जावे, जावे से भाई — जावे।

रामानंद गुरु दे रया हेला,

सुण ले दास कबीर तू चेला,

भजो हरि वाला नाम बन्दा रे,

उमरिया जावे, जावे से भाई — जावे।

जावे से जावे उमरिया,

पासी कोनी आवे थोड़ा,

मालिक रा गुण गा बन्दा रे,

गोविंद रा गुण गा बन्दा रे,

उमरिया जावे, जावे से भाई — जावे।

🛒 खरीदारी के लिए नीचे क्लिक करें: